HАRBIY XIZMАTCHILАR GʼOLIB
Qarshi shahridagi “Geolog” sport majmuasida Yangi yil bayrami munosabati bilan Oʼzbekiston Respublikasi Milliy gvardiyasi Qashqadaryo viloyati “Dinamo” jismoniy tarbiya va sport jamiyati sovrini uchun voha huquqni muhofaza qiluvchi organlari oʼrtasida sportning shaxmat va shashka turi boʼyicha musobaqasi boʼlib oʼtdi. Musobaqada ichki ishlar organlari va harbiy xizmatchilari ham faol ishtirok etishdi.
Qizgʼin va murosasiz bahslarda IIV XАXT qoʼshinlariga qarashli Qarshi shahridagi 7256-harbiy qism harbiy xizmatchilari kichik serjant J. Murodov shaxmat yoʼnalishida 1-oʼrinni, shashka yoʼnalishida kichik serjant Z.Shainov 2-oʼrinni, ayollar oʼrtasida esa kichik serjant N.Kattamova shashka boʼyicha 2-oʼrinni egalladi.
Musobaqada umumjamoa hisobida IIV XАXT 7256-harbiy qism jamoasi 1-oʼrinni qoʼlga kiritdi. Gʼoliblar “Dinamo” jismoniy tarbiya va sport jamiyatining diplomi va qimmatbaxo sovgʼalari bilan taqdirlandi.
