Гендер тенгликка оид семинар
Қарши шаҳрида Ўзбекистон Республикасида
хотин-қизларнинг жамиятдаги ролини
ошириш, гендер тенглиги ва оила
масалалари бўйича комиссияси томонидан Ўзбекистон Республикаси Олий Мажлис
Сенати ҳамда БМТ Тараққиёт Дастурининг “Ўзбекистоннинг миллий гендер
стратегиясининг амалга оширилишини қўллаб-қувватлаш орқали тенгликка эришиш
лойиҳаси” доирасида семинар-тренинг
бўлиб ўтди.
Кўлами кенг тренингда вилоят ҳокимлиги, Адлия, Божхона ва Ички ишлар, Статистика
бошқармаси, суд органлари ҳамда бошқа ҳамкор ташкилотлар вакиллари иштирок
этишди.
Тадбирда Ўзбекистонда гендер тенглиги ва
хотин-қизларнинг имкониятларини
кенгайтиришнинг келажагини ўрганиш ва амалиётда учраётган муаммоларни бартараф
этиш бўйича иштиокчиларнинг таклиф ва мулоҳазалари тингланди.
Қизғин баҳс ва мунозаралар асосида кечган
семинар-тренингда иштирокчиларнинг гендер тенглик борасидаги билим ва малакаси
оширилди.
