Мамлакатимизда узоқ вақтдан бери эски паспорт билан яшаётган ёки уни йўқотиб қўйган, шунингдек, шахсини тасдиқловчи ҳужжатларга эга бўлмаган ҳамда вақтида рўйхатга кирмаган шахсларга Ўзбекистон Республикаси Вазирлар Маҳкамасининг 2020 йил 28 сентябрдаги “Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида”ги Қарори талаблари асосида, Ўзбекистон Республикасида яшаш ҳуқуқини берувчи ҳужжат бериш ва уларни доимий рўйхатдан ўтказиш ишлари тизимли равишда амалга ошириб келинмоқда. Жумладан, Қарши шаҳрига узоқ йиллар олдин қўшни Туркманистон Республикасидан доимий яшаш учун кўчиб келиб, Ўзбекистон Республикасида шахсини тасдиқловчи ҳужжатларсиз яшаб келаётган Aманова Зухра Очиловна ҳамда Тожикистон Республикасидан келган Файзовлар оиласининг 4 нафар аъзосига Қарши шаҳар ИИО ФМБ Миграция ва фуқароликни расмийлаштириш бўлими томонидан “Фуқаролиги йўқ шахс учун” Ўзбекистон Республикасида яшаш гувоҳномаси идентификация ID -карталари расмийлаштириб берилиб, уларни узоқ йиллардан буён қийнаб келаётган муаммолари ижобий ҳал қилиб берилди.

Маълумот ўрнида айтиш жоизки, “Ўзбекистон Республикасининг фуқаролик тўғрисида”ги Қонун кучга киргандан сўнг қўшни давлатлардан мамлакатимизга доимий яшаш мақсадида кўчиб келган, аммо шахсини тасдиқловчи ҳужжатини йўқотиб қўйган ёки шу кунга қадар ҳужжат олмасдан яшаб келаётган 21 нафар фуқаролиги бўлмаган шахсларга “Фуқаролиги бўлмаган шахс учун” Ўзбекистон Республикасида яшаш гувоҳномаси идентификация ИД-карталари расмийлаштириб берилди