“Фахрийларнинг ибрат йўли”
2024-йилнинг 8-октябр куни
Ўзбекистон Республикаси ИИВ Қашқадарё академик лицейида узоқ йиллар ички ишлар
органларида хизмат қилиб нафақага чиққан фахрийлар иштирокида “Касбим- фахрим”
мавзусида учрашув ўтказилди.
Учрашувда Қашқадарё вилоят ИИБ
бошлиғининг маслаҳатчиси, истеъфодаги подполковник З.Обилов ҳамда бошқарма
фахрийлар кенгаши аъзоси, истеъфодаги полковник А.Ибодов иштирок этиб, ёшларда
ватанпарварлик, танлаган касбига садоқат, мардлик сингари туйғуларни кучайтириш,
улар онгига “Ватанга ва халққа садоқат билан хизмат қилиш – олий бурчимиз”
деган ғоя асосида фаолият кўрсатиш лозимлигини таъкидлашди.
Шунингдек, фахрийлар ички ишлар
органларидаги узоқ йиллик самарали хизмат фаолияти давомида орттирган тажрибаларини
ўқувчиларга сўзлаб беришди.
Тадбирда ўқувчилар ўзларини
қизиқтирган саволларга жавоб олдилар ҳамда ушбу соҳага оид билимлари бойиди.
