Фахрийлар ақл чархлашди
1 октябр - Устоз ва мураббийлар куни муносабати билан вилоят
Маънавият ва маърифат бўлимида ички ишлар органлари фахрийлари ўртасида спортнинг шахмат ва шашка тури
бўйича мусобақа бўлиб ўтди. Бошқарма соҳавий хизматлари ва шаҳар-туман ички
ишлар бўлимлари фахрийлар кенгашлари раислари иштирок этган ақл чархи
мусобақасида иштирокчилар ғолиблик учун дона суришди.
Баҳс ва мунозараларга
бой кечган мусобақанинг шахмат тури бўйича истеъфодаги капитан Абдусалом
Ахмедовга фахрли биринчи ўринни қўлга киритди. 2- ва 3-ўринларни эса
истеъфодаги катта сержант Озод Мухторов ва истеъфодаги майор Баҳодир Қорақулов
банд этди.
Мусобақанинг шашка йўналишида 1-ўринни истеъфодаги полковник
Исмолихон Убайдуллаев қўлга киритди. Навбатдаги совринли ўринлар эса
истеъфодаги подполковник Суяр Ачилов ва истеъфодаги капитан Хамза Бозоровга
насиб этди.
Ақл чархи мусобақаси ғолиблари вилоят ички ишлар
бошқармасининг дипломи ва эсдалик совғалари билан тақдирланди.
Тадбир якунида фахрийлар бир пиёла чой устида дилдан суҳбатлашдилар.
