Faxriylar aql charxlashdi
1 oktabr
- Ustoz va murabbiylar kuni munosabati bilan viloyat Ma’naviyat va ma’rifat
bo‘limida ichki ishlar organlari faxriylari
o‘rtasida sportning shaxmat va shashka turi bo‘yicha musobaqa bo‘lib
o‘tdi. Boshqarma sohaviy xizmatlari va shahar-tuman ichki ishlar bo‘limlari
faxriylar kengashlari raislari ishtirok etgan aql charxi musobaqasida
ishtirokchilar g‘oliblik uchun dona surishdi.
Bahs va munozaralarga boy kechgan musobaqaning
shaxmat turi bo‘yicha iste’fodagi kapitan Abdusalom Axmedovga faxrli birinchi
o‘rinni qo‘lga kiritdi. 2- va 3-o‘rinlarni esa iste’fodagi katta serjant Ozod
Muxtorov va iste’fodagi mayor Bahodir Qoraqulov band etdi.
Musobaqaning
shashka yo‘nalishida 1-o‘rinni iste’fodagi polkovnik Ismolixon Ubaydullayev
qo‘lga kiritdi. Navbatdagi sovrinli o‘rinlar esa iste’fodagi podpolkovnik Suyar
Achilov va iste’fodagi kapitan Xamza Bozorovga nasib etdi.
Aql charxi musobaqasi g‘oliblari viloyat ichki
ishlar boshqarmasining diplomi va esdalik sovg‘alari bilan taqdirlandi.
Tadbir yakunida faxriylar bir piyola choy ustida dildan suhbatlashdilar.
