Чироқчи туман 3-сектор раҳбари ёшлар билан учрашди
Чироқчи тумани ИИБ бошлиғи, 3-сектор раҳбари подполковник Шуҳрат Искандаров ҳамда вилоят ИИБ ППХ ва ЖТС бошлиғи подполковник Улуғбек Отақуловлар туманнинг Олмазор маҳалла фуқаролар йиғинида ёшлар ва уларнинг вакиллари билан учрашди.
Унда ишсиз ёшлар бандлигини таъминлаш,
касб-ҳунарга жалб қилиш, тадбиркорликка йўналтириш, улар ўртасида жиноятчилик ва ҳуқуқбузарлик
ҳолатларининг олдини олиш масалалари кўрилди. Шунингдек, учрашувда ИИБ бошлиғи
Пробация ҳисобида турувчи ёшларни ўйлантираётган муаммоларини ижобий ҳал этиш
мақсадида масъулларга тегишли топшириқлар берди.
Учрашувда сектор раҳбари томонидан ёшларнинг
муаммо, таклиф-мулоҳазалари тингланиб, уларни ижобий ҳал этиш чоралари
белгиланди. Очиқ мулоқот сўнгида, сектор раҳбари ёшларга эсдалик совғалари
топширди.
