“Биз ёш аскарлармиз”
Ўзбекистон Республикаси Қуролли Кучлари ташкил
этилганлигининг 32 йиллигини ҳамда 14 январ - Ватан ҳимоячилари куни муносабати
билан Қашқадарё вилояти ички ишлар бошқармаси тасарруфидаги “Юлдузча” мактабгача
таълим ташкилотида БИЗ ЁШ АСКАРЛАРМИЗ байрами тадбири бўлиб ўтди. Унда
мактабгача таълим ташкилоти тарбиячилари ва тарбияланувчилари иштирок этишди.
Тадбирда миллий армиямиз, унинг қудрати ва
имкониятлари, сарҳадларимиз дахлсизлигини таъминлаш борасидаги машаққатли ва
шарафли хизматлари ҳамда ҳарбийларга яратилган шарт-шароитлар ҳақида
иштирокчиларга маълумотлар берилди.
Шундан сўнг, тарбиячилар ва болажонлар
томонидан тайёрланган ҳарбий машқ ва бошқа саҳна кўринишлари, Ватан ҳақидаги
шеърлар ва қўшиқлар намойиш этилди.
Ота –оналар ва мактабгача таълим ташкилоти
раҳбарияти ва тарбиячилари иштирок этган тадбирда болажонлар айтган шеър ва
қўшиқлар томошабинларда илиқ таассурот қолдирди.
