“Biz yosh askarlarmiz”
O‘zbekiston Respublikasi Qurolli Kuchlari
tashkil etilganligining 32 yilligini hamda 14 yanvar - Vatan himoyachilari kuni
munosabati bilan Qashqadaryo viloyati ichki ishlar boshqarmasi tasarrufidagi
“Yulduzcha” maktabgacha ta’lim tashkilotida BIZ YOSH ASKARLARMIZ bayrami
tadbiri bo‘lib o‘tdi. Unda maktabgacha ta’lim tashkiloti tarbiyachilari va
tarbiyalanuvchilari ishtirok etishdi.
Tadbirda milliy armiyamiz, uning qudrati va
imkoniyatlari, sarhadlarimiz daxlsizligini ta’minlash borasidagi mashaqqatli va
sharafli xizmatlari hamda harbiylarga yaratilgan shart-sharoitlar haqida
ishtirokchilarga ma’lumotlar berildi.
Shundan so‘ng, tarbiyachilar va bolajonlar
tomonidan tayyorlangan harbiy mashq va boshqa sahna ko‘rinishlari, Vatan haqidagi
she’rlar va qo‘shiqlar namoyish etildi.
Ota –onalar va maktabgacha ta’lim tashkiloti
rahbariyati va tarbiyachilari ishtirok etgan tadbirda bolajonlar aytgan she’r
va qo‘shiqlar tomoshabinlarda iliq taassurot qoldirdi.
