“Беш ташаббус олимпиадаси” доирасида Олий таълим муассасалари ўртасида ўтказилган спорт мусобақаси Республика финал босқичи ғолиблари тақдирланди
Мамлакатимизда ёшлар маънавиятини юксалтириш ва уларнинг бўш вақтини мазмунли ташкил этиш бўйича “Беш ташаббус олимпиадаси” доирасида ёшларни жисмоний чиниқтириш, уларнинг спорт соҳасидаги қобилиятини намоён қилишлари учун бир қатор тадбирлар амалга оширилмоқда. Жумладан, Қарши шаҳридаги олимпия ва паралимпия заҳиралари мактабида “Беш ташаббус олимпиадаси” доирасида олий таълим муассасалари талабалари ўртасида спортнинг валейбол тури бўйича мусобақасининг Республика финал босқичи бўлиб ўтди.
Қизғин ва муросасиз руҳда кечган
валейбол мусобақасининг ўғил болалар ўртасидаги баҳсларда 1-ўринни Самарқанд вилоятидаги Ўзбекистон-Финландия
педагогика институти талабалари қўлга киритди. Навбатдаги совринли ўринларни
Бухоро давлат университети ва Жиззах
давлат педагогика университети талабалари банд этишди.
Қиз болалар ўртасида кечган
валейбол ўйинларида Бухоро давлат университети талабалари барча рақибларини
доғда қолдириб ғолиблик шоҳсупасидан жой олди. 2-ўринни эса Гулистон давлат университети ва 3-ўринни мезбон
жамоа Қарши давлат университетининг
валейболчи қизлари қўлга киритди.
Ғолиблар кубок, диплом ва
медаллар билан тақдирланди.
