“Besh tashabbus olimpiadasi” doirasida Oliy ta’lim muassasalari o‘rtasida o‘tkazilgan sport musobaqasi Respublika final bosqichi g‘oliblari taqdirlandi
Mamlakatimizda yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha “Besh tashabbus olimpiadasi” doirasida yoshlarni jismoniy chiniqtirish, ularning sport sohasidagi qobiliyatini namoyon qilishlari uchun bir qator tadbirlar amalga oshirilmoqda. Jumladan, Qarshi shahridagi olimpiya va paralimpiya zahiralari maktabida “Besh tashabbus olimpiadasi” doirasida oliy ta’lim muassasalari talabalari o‘rtasida sportning valeybol turi bo‘yicha musobaqasining Respublika final bosqichi bo‘lib o‘tdi.
Qizg‘in va murosasiz ruhda
kechgan valeybol musobaqasining o‘g‘il bolalar o‘rtasidagi bahslarda
1-o‘rinni Samarqand viloyatidagi
O‘zbekiston-Finlandiya pedagogika instituti talabalari qo‘lga kiritdi. Navbatdagi sovrinli o‘rinlarni
Buxoro davlat universiteti va Jizzax
davlat pedagogika universiteti talabalari band etishdi.
Qiz bolalar o‘rtasida kechgan valeybol
o‘yinlarida Buxoro davlat universiteti talabalari barcha raqiblarini dog‘da
qoldirib g‘oliblik shohsupasidan joy oldi. 2-o‘rinni esa Guliston davlat universiteti va 3-o‘rinni
mezbon jamoa Qarshi davlat
universitetining valeybolchi qizlari qo‘lga kiritdi.
G‘oliblar kubok, diplom va medallar bilan taqdirlandi.
