"Балли, қизлар!”
ИИВ Кашкадарё академик лицейида 8 март - Халқаро хотин-қизлар куни мунасабати билан “Балли, қизлар!” тадбири ташкил этилди. Тадбирда ўқувчи қизларлар томонидан азиз онажонларни, гўзал баҳор тароватини мадҳ этувчи шеър ва қўшиқлар, жозибали рақслар ижро этилди. Ўқувчи қизларнинг чеварлиги, пазандалиги, орасталиги ва билимлари намойиш этилди. Академик лицей хотин-қизлар ўртасида спортнинг шахмат, шашка армрестлинг турлари бўйича мусобақалар ташкил этилди.
Байрамона руҳда ўтган ушбу тадбирларда лицейнинг фаол, билимдон ва истеъдодли хотин-қизлари ўзаро куч синашдилар. Жуда қизиқарли ўтган бу беллашув барчага яхши кайфият улашди.
Байрам тадбири якунида бир қатор номинациялар бўйича ғолиб деб топилган иштирокчилар Қашқадарё вилоят ИИБ Касаба уюшмаси қўмитаси ҳамда академик лицей раҳбарияти томонидан қимматбаҳо совғалар билан тақдирланди.
