"Balli, qizlar!”
IIV Kashkadaryo akademik litseyida 8 mart - Xalqaro xotin-qizlar kuni munasabati bilan “Balli, qizlar!” tadbiri tashkil etildi. Tadbirda oʼquvchi qizlarlar tomonidan aziz onajonlarni, goʼzal bahor tarovatini madh etuvchi sheʼr va qoʼshiqlar, jozibali raqslar ijro etildi. Oʼquvchi qizlarning chevarligi, pazandaligi, orastaligi va bilimlari namoyish etildi. Аkademik litsey xotin-qizlar oʼrtasida sportning shaxmat, shashka armrestling turlari boʼyicha musobaqalar tashkil etildi.
Bayramona ruhda oʼtgan ushbu tadbirlarda litseyning faol, bilimdon va isteʼdodli xotin-qizlari oʼzaro kuch sinashdilar. Juda qiziqarli oʼtgan bu bellashuv barchaga yaxshi kayfiyat ulashdi.
Bayram tadbiri yakunida bir qator nominatsiyalar boʼyicha gʼolib deb topilgan ishtirokchilar Qashqadaryo viloyat IIB Kasaba uyushmasi qoʼmitasi hamda akademik litsey rahbariyati tomonidan qimmatbaho sovgʼalar bilan taqdirlandi.
