Қарши ирригация ва агротехнологиялар институтида масъуллар иштирокида Қарши давлат университетида содир этилган жиноят муҳокамаси бўлиб ўтди.
"ТИҚХММИ" МТУнинг Қарши ирригация ва агротехнологиялар институтида масъуллар иштирокида Қарши давлат университетида содир этилган жиноят муҳокамаси бўлиб ўтди. Унда сўз олган Қашқадарё вилояти ИИБ ЖХХ ҲПБ бошлиғи, полковник Р.Темиров содир этилган жиноятга сабаб бўлган шарт-шароитларни атрофлича таҳлил этди. Олийгоҳ ҳудудида содир этилиши мумкин бўлган ҳуқуқбузарликлар ва жиноятларни олдини олиш учун масъуллар эътибор қаратиши лозим бўлган ҳолатлар хусусида топшириқлар берди.
Тадбирда институт директори маслаҳатчиси Т.Уралов, директорнинг 1-ўринбосари О.Пиримов ва профилактика инспектори, катта лейтенант Ф.Абдусаломовлар иштирок этиб, талаба ёшлар билан ишлаш тизимини янада такомиллаштириш, уларнинг бўш вақтини мазмунли ташкил этиш, таътил давомида бандлигини таъминлаш борасида амалга оширилаётган тадбирлар хусусида сўз юритишди. Якунда билдирилган таклиф ва тавсияларни амалга ошириш юзасидан чора-тадбирлар белгиланди.
