7 Март 2024 йил
990
Қарши шаҳрида республиканинг барча ҳудудида яшовчи 18 ёшгача бўлган ўғил болалар ўртасида спортнинг волейбол тури бўйича Ўзбекистон кубогининг финал мусобақалари бўлиб ўтди
Мамлакатимизда ёшларнинг бўш
вақтларини мазмунли ташкил этиш, ёшлар ўртасида спорт мусобақаларини
оммалаштириш орқали соғлом турмуш тарзини тарғиб этишга қаратилган волейбол
мусобақаларининг вилоятлар босқичларии қизғин руҳда ўтди. Унда ғолиб бўлган 14
та жамоалар жорий йилнинг 1-8 март кунлари Қарши шаҳрида мусобақанинг финал
босқичида иштирок этишди.
Қизғин ва муросасиз ўтган
мусобақада Қашқадарёлик ёш волейболчилари барча рақибларини доғда қолдириб,
ғолибликни қўлга киритди. Навбатдаги совринли ўринларни Қорақалпоғистон
Республикаси ва Сирдарё вилоятининг волейболчи жамоалари банд этишди.
Ғолиблар Ўзбекистон Республикаси
Спорт вазирининг дипломи, медаль ва қимматбаҳо совғалари билан тақдирландилар.
