Ахборот ва оммавий коммуникациялар агентлиги вилоят бўлимида “Қашқадарё вилояти ИИБ томонидан ўтган 2024 йилда криминоген вазиятни жиловлаш, ҳуқуқбузарликлар, жиноятларни олдини   олиш ва содир этилганларини фош этиш ҳамда Ўзбекистон Республикаси Президентининг жорий йил 3 январ кунидаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”1-сонли қарори юзасидан амалга оширилган ишлар бўйича матбуот анжумани бўлиб ўтди. 

Матбуот анжуманини АОКА вилоят бўлими раҳбари Усмон Нусуров очди.  Тадбирда Қашқвадарё вилояти Ички ишлар бошқармаси бошлиғи полковник Абдувохид Исмоилов мавзу доирасида иштирокчиларга маълумотлар берди. 

Маълумки, Ўзбекистон Республикаси Президентининг 2021 йил 16 июндаги "Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида" ги ПФ-6247-сон Фармонига мувофиқ давлат органлари ва ташкилотлари ҳар йили  ўз фаолиятига оид ҳисоботни кенг жамоатчилик иштирокида муҳокама қилиши белгиланган. 

Ўз навбатида бу вилоят ички ишлар органларининг белгиланган тартибда очиқ ва шаффоф фаолият олиб бориши Вазирлик фаолиятини баҳолашда муҳим аҳамият касб этади.

Ўйламизки, бугунги Матбуот анжуманида барча иштирокчилар ўзларини қизиқтирган саволларига жавоб олишди.