Axborot va ommaviy kommunikatsiyalar agentligi viloyat bo‘limida “Qashqadaryo viloyati IIB tomonidan o‘tgan 2024 yilda kriminogen vaziyatni jilovlash, huquqbuzarliklar, jinoyatlarni oldini olish va sodir etilganlarini fosh etish hamda O‘zbekiston Respublikasi Prezidentining joriy yil 3 yanvar kunidagi “2025 yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”1-sonli qarori yuzasidan amalga oshirilgan ishlar bo‘yicha matbuot anjumani bo‘lib o‘tdi.

Matbuot anjumanini AOKA viloyat bo‘limi rahbari Usmon Nusurov ochdi. Tadbirda Qashqvadaryo viloyati Ichki ishlar boshqarmasi boshlig‘i polkovnik Abduvoxid Ismoilov mavzu doirasida ishtirokchilarga ma’lumotlar berdi.
Ma’lumki, O‘zbekiston Respublikasi Prezidentining 2021 yil 16 iyundagi "Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida" gi PF-6247-son Farmoniga muvofiq davlat organlari va tashkilotlari har yili o‘z faoliyatiga oid hisobotni keng jamoatchilik ishtirokida muhokama qilishi belgilangan.
O‘z navbatida bu viloyat ichki ishlar organlarining belgilangan tartibda ochiq va shaffof faoliyat olib borishi Vazirlik faoliyatini baholashda muhim ahamiyat kasb etadi.
O‘ylamizki, bugungi Matbuot anjumanida barcha ishtirokchilar o‘zlarini qiziqtirgan savollariga javob olishdi.