Ички ишлар органлари ходимларининг касбий, жисмоний ва жанговар тайёргарлигини ошириш борасида Қашқадарё вилоятида бир қатор спорт мусобақалари мунтазам уюштириб келинмоқда. Бу борада амалга оширилаётган тадбирлар туфайли ички ишлар органлари ходимлари бир қатор миллий ва халқаро турнирларда ғолибликни қўлга киритмоқда. Жумладан, Жиззах вилоятидаги Мудофа вазирлигига қарашли ўқув майдонида ҳудудий Тезкор вазифаларни бажарувчи сафарбар батальон ва отрядлари терма жамоалари  ўртасида “Кўпкураш” мусобақаси бўлиб ўтди.

Мусобақанинг “Ҳужум” тури бўйича Қашқадарё вилояти ИИБ Тезкор вазифаларни бажарувчи сафарбар отряди ходимларидан иборат жамоа ғолибликни қўлга киритишди.

Бундан ташқари, Қозоғистон Республикаси Караганда шаҳрида спортнинг “Кураш” тури бўйича Осиё кубоги ва Термиз шаҳрида ўтказилган Ўзбекистон чемпионатида бошқарма Тезкор вазифаларни бажарувчи сафарбар отряд катта мутахассиси кичик сержант Арслонбек Тожиев ҳар иккала мусобақада ҳам фахрли 1-ўринларни банд этди.

Қарши шаҳрида спортнинг профессионал қўл жанги тури бўйича ўтказилган “Халқаро Амир Темур” турнирида 70кг вазн тоифасида бошқарма ТВБСО катта мутахассиси кичик сержант Олимжон Номуродов ғолиб бўлди.

Андижон шаҳрида спортнинг “ММА” тури бўйича катталар ўртасида ўтказилган Ўзбекистон чемпионатида аёллар ўртасида 72 кг вазн тоифасида вилоят ИИБ ТВБСО катта мутахассиси кичик сержант Ўғилой Жуманова ҳам  1-ўрин соҳиби бўлди.

Тошкент вилояти Чирчиқ шаҳридаги Мудофа вазирлигининг “Мутахасис ва хизмат итларини тайёрлаш маркази”да ҳуқуқни муҳофаза қилувчи органларнинг кинолог ходимлари ўртасида ўтказилган “Дог биатлони беллашуви” мусобақасида ИИВ кинология бўлинмаси жамоаси таркибида фахрли 2-ўринни бошқарма ЖТСБ кинология бўлинмаси катта мутахассис кинологи, кичик сержант Бобоназар Маманазаров ва  кинология гуруҳи кичик инспектор-кинологи, сафдор Соҳиб Хайитовлар Қашқадарё вилояти ИИБ  раҳбарияти томонидан тақдирланди.