Ichki ishlar organlari xodimlarining kasbiy, jismoniy va jangovar tayyorgarligini oshirish borasida Qashqadaryo viloyatida bir qator sport musobaqalari muntazam uyushtirib kelinmoqda. Bu borada amalga oshirilayotgan tadbirlar tufayli ichki ishlar organlari xodimlari bir qator milliy va xalqaro turnirlarda g‘oliblikni qo‘lga kiritmoqda. Jumladan, Jizzax viloyatidagi Mudofa vazirligiga qarashli o‘quv maydonida hududiy Tezkor vazifalarni bajaruvchi safarbar batalyon va otryadlari terma jamoalari  o‘rtasida “Ko‘pkurash” musobaqasi bo‘lib o‘tdi.

Musobaqaning “Hujum” turi bo‘yicha Qashqadaryo viloyati IIB Tezkor vazifalarni bajaruvchi safarbar otryadi xodimlaridan iborat jamoa g‘oliblikni qo‘lga kiritishdi.

Bundan tashqari, Qozog‘iston Respublikasi Karaganda shahrida sportning “Kurash” turi bo‘yicha Osiyo kubogi va Termiz shahrida o‘tkazilgan O‘zbekiston chempionatida boshqarma Tezkor vazifalarni bajaruvchi safarbar otryad katta mutaxassisi kichik serjant Arslonbek Tojiyev har ikkala musobaqada ham faxrli 1-o‘rinlarni band etdi.

Qarshi shahrida sportning professional qo‘l jangi turi bo‘yicha o‘tkazilgan “Xalqaro Amir Temur” turnirida 70kg vazn toifasida boshqarma TVBSO katta mutaxassisi kichik serjant Olimjon Nomurodov g‘olib bo‘ldi.

Andijon shahrida sportning “MMA” turi bo‘yicha kattalar o‘rtasida o‘tkazilgan O‘zbekiston chempionatida ayollar o‘rtasida 72 kg vazn toifasida viloyat IIB TVBSO katta mutaxassisi kichik serjant O‘g‘iloy Jumanova ham  1-o‘rin sohibi bo‘ldi.

Toshkent viloyati Chirchiq shahridagi Mudofa vazirligining “Mutaxasis va xizmat itlarini tayyorlash markazi”da huquqni muhofaza qiluvchi organlarning kinolog xodimlari o‘rtasida o‘tkazilgan “Dog biatloni bellashuvi” musobaqasida IIV kinologiya bo‘linmasi jamoasi tarkibida faxrli 2-o‘rinni boshqarma JTSB kinologiya bo‘linmasi katta mutaxassis kinologi, kichik serjant Bobonazar Mamanazarov va  kinologiya guruhi kichik inspektor-kinologi, safdor Sohib Xayitovlar Qashqadaryo viloyati IIB  rahbariyati tomonidan taqdirlandi.