Қашқадарё вилояти ИИБ жамоаси ғолиблар сафида
Ўзбекистон Республикаси ИИВ “Динамо” жисмоний
тарбия-спорт жамияти Қашқадарё вилояти кенгашининг тақвимий режасига асосан,
2023-йил 23-25-ноябрь кунлари воҳа
ҳуқуқни муҳофаза қилувчи органлар шахсий таркиби ўртасида спортнинг “Мини футбол” тури бўйича мусобақа бўлиб
ўтди.
Қарши шаҳридаги “Геолог” ўйингоҳида бўлиб ўтган
мусобақада саккизта жамоалар ўзаро куч синашдилар.
Қизғин ва муросасиз ўтган мини футбол
мусобақасида 1-ўринни ДХХ Қашқадарё вилояти бўйича бошқармаси жамоаси қўлга киритди.
Навбатдаги совринли ўринларни
55159-ҳарбий қисм ва Қашқадарё вилояти ИИБ футболчилари қўлга киритди.
Ғолиблар Ўзбекистон Республикаси ИИВ “Динамо”
жисмоний тарбия-спорт жамияти Қашқадарё вилояти кенгашининг дипломи, медаль ва
қимматбаҳо совғалари билан тақдирланди.
Шунингдек, мусобақада “Энг яхши дарбозабон”
(Қашқадарё вилояти ИИБ ходими Шахриёр Махматмуродов), “Энг яхши ҳужумчи”
(ҳарбий қисм ходими Фаррух Қаршиев), “Энг яхши тўпурар” (ДХХ вилоят бошқармаси
ходими Тохир Абдураззоқов) номинацияси ғолиблари ҳам аниқланиб, қимматбаҳо
совғалар билан тақдирланди.
