Qashqadaryo viloyati IIB jamoasi g‘oliblar safida
O‘zbekiston Respublikasi IIV “Dinamo” jismoniy
tarbiya-sport jamiyati Qashqadaryo viloyati kengashining taqvimiy rejasiga
asosan, 2023-yil 23-25-noyabr kunlari
voha huquqni muhofaza qiluvchi organlar shaxsiy tarkibi o‘rtasida
sportning “Mini futbol” turi bo‘yicha
musobaqa bo‘lib o‘tdi.
Qarshi shahridagi “Geolog” o‘yingohida bo‘lib
o‘tgan musobaqada sakkizta jamoalar o‘zaro kuch sinashdilar.
Qizg‘in va murosasiz o‘tgan mini futbol
musobaqasida 1-o‘rinni DXX Qashqadaryo viloyati bo‘yicha boshqarmasi jamoasi
qo‘lga kiritdi. Navbatdagi sovrinli o‘rinlarni
55159-harbiy qism va Qashqadaryo viloyati IIB futbolchilari qo‘lga
kiritdi.
G‘oliblar O‘zbekiston Respublikasi IIV “Dinamo”
jismoniy tarbiya-sport jamiyati Qashqadaryo viloyati kengashining diplomi,
medal va qimmatbaho sovg‘alari bilan taqdirlandi.
Shuningdek, musobaqada “Eng yaxshi darbozabon”
(Qashqadaryo viloyati IIB xodimi Shaxriyor Maxmatmurodov), “Eng yaxshi
hujumchi” (harbiy qism xodimi Farrux Qarshiyev), “Eng yaxshi to‘purar” (DXX
viloyat boshqarmasi xodimi Toxir Abdurazzoqov) nominatsiyasi g‘oliblari ham
aniqlanib, qimmatbaho sovg‘alar bilan taqdirlandi.
