Қашқадарё вилояти ИИБ полвонлари ғолиблик шоҳсупасида
Қарши шаҳрида вилоят ҳуқуқ-тартибот идоралари ходимлари ўртасида спортнинг эркин кураш тури бўйича Ички ишлар вазирлиги “Динамо” жисмоний тарбия-спорт жамияти Қашқадарё вилояти кенгаши биринчилиги учун мусобақалар бўлиб ўтди. Унда кенгаш таркибидаги жамоалар ғолиблик учун 5 та вазн тоифасида ўзаро беллашдилар.
Қизғин ва муросасиз ўтган мусобақада полвонлар бор маҳорат ва тажрибаларини ишга солиб ғолиблик учун курашишди.
Мусобақада вилоят ички ишлар бошқармаси ходими кичик сержант Азизбек Арабов 65, ИИВ “Динамо” ЖТСЖ ҳарбий хизматчиси 2- даражали сержант Ҳабибулло Мавланов 74, Қашқадарё вилояти ИИБ ходими, сафдор Шохруз Наширов 86, Миллий гвардия Қашқадарё вилояти Қўриқлаш бошқармаси ходим сафдор Абдураззоқ Холлиев 97 вазнда ғолибликни қўлга киритди.
Умумжамоа ҳисобида эса фахрли 1-ўринни вилоят ички ишлар бошқармаси жамоаси банд этди. Навбатдаги совринли ўринлар Миллий гвардия Қашқадарё вилояти Қўриқлаш бошқармаси ва вилоят ва вилоят ички ишлар бошқармаси ТВБСО полвонларига насиб этди.
