Qashqadaryo viloyati IIB polvonlari g‘oliblik shohsupasida
Qarshi shahrida viloyat huquq-tartibot idoralari xodimlari o‘rtasida sportning erkin kurash turi bo‘yicha Ichki ishlar vazirligi “Dinamo” jismoniy tarbiya-sport jamiyati Qashqadaryo viloyati kengashi birinchiligi uchun musobaqalar bo‘lib o‘tdi. Unda kengash tarkibidagi jamoalar g‘oliblik uchun 5 ta vazn toifasida o‘zaro bellashdilar.
Qizg‘in va murosasiz o‘tgan musobaqada polvonlar bor mahorat va tajribalarini ishga solib g‘oliblik uchun kurashishdi.
Musobaqada viloyat ichki ishlar boshqarmasi xodimi kichik serjant Azizbek Arabov 65, IIV “Dinamo” JTSJ harbiy xizmatchisi 2- darajali serjant Habibullo Mavlanov 74, Qashqadaryo viloyati IIB xodimi, safdor Shoxruz Nashirov 86, Milliy gvardiya Qashqadaryo viloyati Qo‘riqlash boshqarmasi xodim safdor Abdurazzoq Xolliyev 97 vaznda g‘oliblikni qo‘lga kiritdi.
Umumjamoa hisobida esa faxrli 1-o‘rinni viloyat ichki ishlar boshqarmasi jamoasi band etdi. Navbatdagi sovrinli o‘rinlar Milliy gvardiya Qashqadaryo viloyati Qo‘riqlash boshqarmasi va viloyat va viloyat ichki ishlar boshqarmasi TVBSO polvonlariga nasib etdi.
