Бошқарма бошлиғи ўринбосарлари, соҳавий хизматлари ва таркибий бўлимлар ҳамда шаҳар-туман ИИБ бошлиқлари видеослектор тарзида иштирок этган йиғилишда вилоят ИИБ бошлиғи воҳада жамоат тартибини сақлаш, жиноятчиликка қарши курашиш ва унинг олдини олиш, содир этилган жиноятларни “иссиқ излар”да фош этиш, фуқаролар хавфсизлигини таъминлаш борасида амалга оширилган ишларни атрофлича танқидий-таҳлил этди.

  Вилоятда криминоген вазияти оғир шаҳар-туманларда жиноятларни эрта аниқлаб олдини олиш, бунга сабаб бўлган шарт-шароитларни бартараф этиш, ўғрилик, гиёҳвандлик жиноятларини фош этиш, қидирувдаги шахсларни ушлаш,  йўл-транспорт ҳодисаларини олдини олиш борасида иштирокчиларга тегишли йўриқнома ва топшириқлар берди. .

  Жиноятларни фош этишда тезкор ва соҳавий хизматлар ходимларининг бошқа ҳуқуқни муҳофаза қилувчи идоралар ҳамда кенг жамоатчилик билан ўзаро ҳамкорликдаги фаолиятини янада кучайтириш лозимлиги иштирокчиларга уқтирилиб, тегишли соҳавий хизматлар раҳбарлари вазифадор этилиб, масъулияти оширилди.

  Кенгайтирилган йиғилишда ички ишлар органлари ходимларининг хизмат интизоми ва қонунчиликка оғишмай риоя этиши, шахсий таркиб ўртасида ички тартиб-интизом ва кундалик идоравий назоратни кучайтириш,  тизимда хизмат қилаётган ходимлар ўртасида бепарволик муҳитига барҳам бериш, учун ўзини ўзи профилактика қилиш тизимини йўлга қўйиш тадбирлари амалга оширилишини таъкидлади. Хизмат жараёни ва хизматдан ташқари вақтларда спиртли ичимлик истеъмол қилмаслик, хизмат ҳудудида яшаш, фавқулодда ва салбий ҳолатларга йўл қўймаслик, коррупцияга қарши муросасиз бўлиш, ички ишлар органлари ходимларига пора таклиф қилиш ва ва бошқа ноқонуний мақсадларни кўзлаган шахсларга нисбатан қонуний чоралар кўриш борасидаги ишлар кўламини ошириш борасида теишли тавсия ва таклифлар берди.

Якунда Қашқадарё вилоят ИИБ бошлиғининг ўринбосари – маънавий-маърифий ишлар ва кадрлар билан таъминлаш хизмати бошлиғи, лавозимига подполковник Маматқулов Талъат Абдуманнобович тайинлангани шахсий таркибга эълон қилинди.