Вилоят ИИБ бошлиғи ўринбосарлари, таркибий бўлимлар ва соҳавий хизматлар бошлиқлари иштирок этган йиғилишни бошқарма бошлиғи, полковник Абдувохид Исмоилов очиб, ўтган хафта мобайнида вилоятда Давлат раҳбарининг қарорида кўрсатилган устувор вазифалар, фуқаролар хавфсизлигини таъминлаш, жамоат тартибини сақлаш, жиноятчилик ва хуқуқбузарликларнинг барвақт олдини олиш, содир этилган жиноятларни “иссиқ излар”да фош этиш жойларда фуқароларни ижтимоий ҳимоялаш борасидаги ички ишлар идоралари ходимлари томонидан амалга оширилган ишларни танқидий-таҳлил қилди.

Йиғилишда ўтган даврда вилоятда ҳуқуқбузарликларни барвақт профилактикасини “Йўл харитаси” асосида тўлиқ ижро этилишини таъминлаш ҳамда ижтимоий профилактика тизимини самарали йўлга қўйиш, жиноят содир этилиши эҳтимоли юқори бўлган манзилларда камералаштириш бўйича амалга оширилган ишлар, кўнгилочар масканлар, тунги клублар атрофида ўрнатилган видеокузатув мосламаларини ишлаш жараёнини назорат қилиш учун профилактика инспектори ва ички ишлар бошқармаси вазиятлар марказига интеграция қилиш, кўп қаватли уйларнинг йўлаклар кириш эшикларида Миллий гвардия Қўриқлаш бошқармаси томонидан замонавий домофонларни ўрнатиш, фуқаролар гавжум тўпланадиган жойларга марказий автомобил қатнов йўли ёқасига (SOS) тезкор чақирув тугмаси ўрнатиш ишларини масалаларини муҳокама қилиб, ички ишлар органлари, маҳалла еттилиги ҳамда бошқа ҳуқуқ-тартибот органлари ходимлари томонидан келгусида амалга ошириладиган  вазифаларни аниқ ва равшан белгилаб берди. 

Бундан ташқари, маҳаллалар еттилиги билан “намунали хавфсиз кўча”лар  ва “намунали хавфсиз йўлак” лар ташкил этиш, шаҳар-туманларда сектор ишчи гуруҳлари томонидан “маҳаллабай”, “хонадонбай” ва “фуқаробай” ишлашда оилалардаги мавжуд  муаммоларни ўрганиб бартараф этиш, бандлигини таъминлаш чоралариникўриш топшириғи берилди.

Шунингдек, ички ишлар ва миллий гвардия ҳамда ҳамкор ташкилотларнинг масъулларига амалий ишлар билан бирга фуқароларни хонадонлари қўриқловини пультга топириш юзасидан амалий ишлар билан бирга тарғибот ишларини ҳам жонлантириш лозимлиги тушунтирилди.