Viloyat IIB boshlig‘i o‘rinbosarlari, tarkibiy bo‘limlar va sohaviy xizmatlar boshliqlari ishtirok etgan yig‘ilishni boshqarma boshlig‘i, polkovnik Abduvoxid Ismoilov ochib, o‘tgan xafta mobaynida viloyatda Davlat rahbarining qarorida ko‘rsatilgan ustuvor vazifalar, fuqarolar xavfsizligini ta’minlash, jamoat tartibini saqlash, jinoyatchilik va xuquqbuzarliklarning barvaqt oldini olish, sodir etilgan jinoyatlarni “issiq izlar”da fosh etish joylarda fuqarolarni ijtimoiy himoyalash borasidagi ichki ishlar idoralari xodimlari tomonidan amalga oshirilgan ishlarni tanqidiy-tahlil qildi.

Yig‘ilishda o‘tgan davrda viloyatda huquqbuzarliklarni barvaqt profilaktikasini “Yo‘l xaritasi” asosida to‘liq ijro etilishini ta’minlash hamda ijtimoiy profilaktika tizimini samarali yo‘lga qo‘yish, jinoyat sodir etilishi ehtimoli yuqori bo‘lgan manzillarda kameralashtirish bo‘yicha amalga oshirilgan ishlar, ko‘ngilochar maskanlar, tungi klublar atrofida o‘rnatilgan videokuzatuv moslamalarini ishlash jarayonini nazorat qilish uchun profilaktika inspektori va ichki ishlar boshqarmasi vaziyatlar markaziga integratsiya qilish, ko‘p qavatli uylarning yo‘laklar kirish eshiklarida Milliy gvardiya Qo‘riqlash boshqarmasi tomonidan zamonaviy domofonlarni o‘rnatish, fuqarolar gavjum to‘planadigan joylarga markaziy avtomobil qatnov yo‘li yoqasiga (SOS) tezkor chaqiruv tugmasi o‘rnatish ishlarini masalalarini muhokama qilib, ichki ishlar organlari, mahalla yettiligi hamda boshqa huquq-tartibot organlari xodimlari tomonidan kelgusida amalga oshiriladigan  vazifalarni aniq va ravshan belgilab berdi. 

Bundan tashqari, mahallalar yettiligi bilan “namunali xavfsiz ko‘cha”lar  va “namunali xavfsiz yo‘lak” lar tashkil etish, shahar-tumanlarda sektor ishchi guruhlari tomonidan “mahallabay”, “xonadonbay” va “fuqarobay” ishlashda oilalardagi mavjud  muammolarni o‘rganib bartaraf etish, bandligini ta’minlash choralariniko‘rish topshirig‘i berildi.

Shuningdek, ichki ishlar va milliy gvardiya hamda hamkor tashkilotlarning mas’ullariga amaliy ishlar bilan birga fuqarolarni xonadonlari qo‘riqlovini pultga topirish yuzasidan amaliy ishlar bilan birga targ‘ibot ishlarini ham jonlantirish lozimligi tushuntirildi.