Қашқадарё вилояти Ички ишлар бошқармасида Ички ишлар вазирининг тегишли фармойишига асосан, “Беш ташаббус олимпиадаси” доирасида “Йилнинг энг фаол ёшлар етакчиси” танловининг ҳудудий босқичи ўтказилди.
Қашқадарё вилояти Ички ишлар бошқармасида Ички ишлар вазирининг тегишли фармойишига асосан, “Беш ташаббус олимпиадаси” доирасида “Йилнинг энг фаол ёшлар етакчиси” танловининг ҳудудий босқичи ўтказилди.
Бошқарма соҳавий хизматлари ва шаҳар-туман ички ишлар бўлимларида жамоатчилик асосида хизмат қилиб келаётган ёшлар етакчилари ўртасида бўлиб ўтган танловда жойларда ёш ходимларнинг фаоллигини ошириш борасида амалга оширилган ишларга оид фаолияти атрофлича таҳлил этилди.
Бўлиб ўтган танловда ёшлар етакчилари ёшлар билан ишлашнинг устувор йўналишлари ва келгуси режалари ҳақида ўз фикрларини билдиришди.
Сўнгра, соҳага оид ва китобхонлик борасидаги савол-жавоблар асосида ёшлар етакчиларининг интеллектуал билимлари синовдан ўтказилди.
Танлов якуний натижаларига кўра, 1-ўринни Қарши шаҳар ички ишлар органлари фаолиятини мувофиқлаштириш бошқармаси Ёшлар етакчиси, капитан Жавдод Боймуродов қўлга киритди.
Навбатдаги совринли ўринларни Қарши тумани ички ишлар бўлими Ёшлар етакчиси, капитан Шерзод Салимов ва Чироқчи тумани ички ишлар бўлими Ёшлар етакчиси, капитан Фурқат Қиёмовлар эгаллади.
Ғолиблар бошқарма раҳбариятининг диплом ва қимматбаҳо совғалари билан тақдирландилар
