Мамлакатимизда хотин-қизлар билими, ақл-заковати, юртпарварлиги билан жамиятда соғлом турмуш тарзини яратиш, оила мустаҳкамлигини таъминлашда фидойилик намуналарини кўрсатиб келишмоқда. Қолаверса, мамлакат равнақи, юрт тинчлиги, эл осойишталиги ва фаровонлиги йўлида фаолият олиб бораётган хотин-қизлар хизматини мамнуният билан эътироф этмоқ жоиздир. 

Барча жабҳаларда эркаклар билан елкама елка меҳнат қилаётган хотин-қизларимиз учун эркин, обод ва фаровон ҳаёт барпо этиш – давлатимиз ва жамиятимизнинг энг устувор вазифаси этиб белгиланган. 

Муҳтарам Президентимиз мамлакатмиз хотин-қизлари билан бўлган учрашувда “Олдимизга барча соҳа ва йўналишларда ғоят улуғвор мақсадларни қўймоқдамиз. Бунга эришиш учун биз таянадиган етук авлодни тарбиялаб, вояга етказиш сиз, азизларнинг – фидойи оналарнинг қўлида” – дея бежизга таъкидламадилар. 

Ички ишлар органларида ҳам юрт осойишталиги, эл тинчлиги учун қалбини, жисми-жонини бахшида этиб, жиноятчиликка қарши курашда, ҳуқуқбузарликларнинг олдини олишда, фуқаролар ҳуқуқий билимини оширишда эркаклар билан бир сафда садоқат билан хизмат қилаётган хотин-қизларимиз билан фахрланамиз. 

Хизматда фидойилик намуналарини кўрсатаётган ходималаримиз ҳукуматимиз ва Ички ишлар вазирлиги томонидан юксак мукофотлар билан тақдирланмоқда. 

Ҳар ишда энг яқин маслакдош бўлиб келаёт¬ган опа-сингилларимизга Ватан тараққиёти, халқ фаровонлигини юксалтиришдаги ишларига улкан муваффақиятлар ёр бўлсин. 

Муҳтарама аёлларимиз, опа-сингиллар Сизларга узоқ умр, сиҳат-саломатлик, оилавий тотувлик, дастурхонларингизга қут-барака  тилайман.