Qashqadaryo viloyati IIB boshlig‘i polkovnik Abduvoxid Salomovich Ismoilovning 8 mart – xalqaro xotin-qizlar kuni munosabati bilan bayram tabrigi
Ichki ishlar organlarida xizmat qilayotgan barcha xotin-qizlar, faxriylarimiz va xizmat burchini bajarish chog‘ida vafot etgan xodimlarning oila a’zolarini 8 mart – Xalqaro xotin-qizlar kuni bayrami bilan samimiy muborakbod etaman.
Mamlakatimizda xotin-qizlar bilimi, aql-zakovati, yurtparvarligi bilan jamiyatda sog‘lom turmush tarzini yaratish, oila mustahkamligini ta’minlashda fidoyilik namunalarini ko‘rsatib kelishmoqda. Qolaversa, mamlakat ravnaqi, yurt tinchligi, el osoyishtaligi va farovonligi yo‘lida faoliyat olib borayotgan xotin-qizlar xizmatini mamnuniyat bilan e’tirof etmoq joizdir.
Barcha jabhalarda erkaklar bilan yelkama yelka mehnat qilayotgan xotin-qizlarimiz uchun erkin, obod va farovon hayot barpo etish – davlatimiz va jamiyatimizning eng ustuvor vazifasi etib belgilangan.
Muhtaram Prezidentimiz mamlakatmiz xotin-qizlari bilan bo‘lgan uchrashuvda “Oldimizga barcha soha va yo‘nalishlarda g‘oyat ulug‘vor maqsadlarni qo‘ymoqdamiz. Bunga erishish uchun biz tayanadigan yetuk avlodni tarbiyalab, voyaga yetkazish siz, azizlarning – fidoyi onalarning qo‘lida” – deya bejizga ta’kidlamadilar.
Ichki ishlar organlarida ham yurt osoyishtaligi, el tinchligi uchun qalbini, jismi-jonini baxshida etib, jinoyatchilikka qarshi kurashda, huquqbuzarliklarning oldini olishda, fuqarolar huquqiy bilimini oshirishda erkaklar bilan bir safda sadoqat bilan xizmat qilayotgan xotin-qizlarimiz bilan faxrlanamiz.
Xizmatda fidoyilik namunalarini ko‘rsatayotgan xodimalarimiz hukumatimiz va Ichki ishlar vazirligi tomonidan yuksak mukofotlar bilan taqdirlanmoqda.
Har ishda eng yaqin maslakdosh bo‘lib kelayot¬gan opa-singillarimizga Vatan taraqqiyoti, xalq farovonligini yuksaltirishdagi ishlariga ulkan muvaffaqiyatlar yor bo‘lsin.
Muhtarama ayollarimiz, opa-singillar Sizlarga uzoq umr, sihat-salomatlik, oilaviy totuvlik, dasturxonlaringizga qut-baraka tilayman.