Чироқчи туманида Давлатимиз раҳбарининг 2025 йил 3 январ кунидаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги қарори ижросини таъминлаш мақсадида ҳуқуқни муҳофаза қилувчи органлар раҳбарлари томонидан ўрганишлар олиб борилди.

Тумандаги Амир Темур маҳалласида амалга оширилаётган ишлар ҳолатини ўрганиш давомида ҳуқуқбузарликлар, жиноятларни олдини олиш, фуқароларнинг ҳуқуқий онгини ошириш борасидаги ишлар муҳокама қилинди.

Маҳалла еттилигининг фаолияти таҳлил этилиб, йўл қўйилган камчиликлари бартараф этиш учун масъулларга тегишли топшириқлар берилди.

Сўнгра, жиноят ишлари бўйича Чироқчи тумани судининг очиқ суд мажлиси ўтказилди. Судда туман ИИБ ЖХХ Пробация гуруҳи ҳисобида турган аҳлоқ тузатиш ишлари ва озодликни чеклаш жазосини ўтаётган 5 нафар шахасларнинг тузалиш йўлига қатъий ўтгани, меҳнатга ҳалол муносабатда бўлгани боис муддатдан илгари шартли озод қилинди.