Мактабда учрашув
ИИВ Қашқадрё академик лицейга бириктирилган Қарши туман 6-мактабда маънавий-маърифий тадбир бўлиб ўтди. Унда лицей раҳбарияти, курс командири ва ўқувчилар мактабга ташриф буюриб, иштирокчилар билан мотивацион тадбир уюштиришди.
Тадбирда мактаб ўқувчиларининг ҳуқуқий онги ва маданиятини ошириш, ватанпарварлик руҳида тарбиялаш, олий таълимга жалб этиб, қамров даражасини ошириш ва касб-ҳунарга йўналтириш борасидаги ишларни самарали ташкил этишга оид таклифлар билдирилди.
Лицей директорининг маънавий-маърифий ва тарбиявий ишлар бўйича ўринбосари битирувчи синф ўқувчилари билан учрашув ўтказиб, фанлардан аъло баҳоларга ўқиётган ўқувчиларга китоблар совға қилди.
Оталиққа олинган мактаб ўқучвилари билан ҳар ойда учрашувлар ўтказилиб, ҳар хил фанлар бўйича мусобақалар, викториналар, очиқ эшиклар куни ўтказиш бўйича манзилли режалар тузилди.
Якунда мактаб ўқувчилари билан “Заковат” интеллектуал мусобақаси ўтказилди.
