maktabda uchrashuv
IIV Qashqadryo akademik litseyga biriktirilgan Qarshi tuman 6-maktabda ma’naviy-ma’rifiy tadbir bo‘lib o‘tdi. Unda litsey rahbariyati, kurs komandiri va o‘quvchilar maktabga tashrif buyurib, ishtirokchilar bilan motivatsion tadbir uyushtirishdi.
Tadbirda maktab o‘quvchilarining huquqiy ongi va madaniyatini oshirish, vatanparvarlik ruhida tarbiyalash, oliy ta’limga jalb etib, qamrov darajasini oshirish va kasb-hunarga yo‘naltirish borasidagi ishlarni samarali tashkil etishga oid takliflar bildirildi.
Litsey direktorining ma’naviy-ma’rifiy va tarbiyaviy ishlar bo‘yicha o‘rinbosari bitiruvchi sinf o‘quvchilari bilan uchrashuv o‘tkazib, fanlardan a’lo baholarga o‘qiyotgan o‘quvchilarga kitoblar sovg‘a qildi.
Otaliqqa olingan maktab o‘quchvilari bilan har oyda uchrashuvlar o‘tkazilib, har xil fanlar bo‘yicha musobaqalar, viktorinalar, ochiq eshiklar kuni o‘tkazish bo‘yicha manzilli rejalar tuzildi.
Yakunda maktab o‘quvchilari bilan “Zakovat” intellektual musobaqasi o‘tkazildi.
