“Жасорат ва буюклик тимсоли – аёл”
Қашқадарё вилояти ички ишлар
бошқармасида “Жасорат ва буюклик ва тимсоли – аёл” номли китоб тақдимоти бўлиб
ўтди. Унда бошқарманинг турли соҳаларида хизмат қилаётган хотин-қизлар иштирок
этишди.
Тақдимотда сўзга чиққанлар яқинда
Ички ишлар вазирлиги Бирлашган таҳририяти кутубхонаси рукни остида чоп
этилган китобда халқимиз тарихида
ўзининг оқилалиги, давлат бошқарувидаги ўрни
билан халқимиз тарихида ўзидан ўчмас из қодирган оқила, мард саркарда
аёллар ва ХХ асрнинг бошларида ва ундан
кейинги иттифоқ даврида ҳамда мустақиллик йилларида ички ишлар органларида хизмат қилиб, давлат
мукофотига сазовор бўлган хотин-қизлар ҳамда вазирлик тизимларида эл
осойишталиги, юрт тинчлиги, ҳуқуқбузарликлар ва жиноятларни олдини олиш, содир
этилганларини фош этиш йўлида йигитлар билан
елкама-елка хизмат қилаётган ходимлар фаолияти кенг ёритилганини қайд
этишди.
Ўйлаймизки, бу китоб ёш хотин-қиз
ходималар учун қўлланма вазифасини ўтайди.
Якунда давлат мукофоти соҳибаси бўлган ходималарга
“Жасорат ва буюклик ва тимсоли – аёл” номли китоб совға қилинди.
