Ёш билимдон ходим
Қашқадарё вилояти Маънавият ва маърифат марказида ёш ходимларимизни интеллектуал салоҳиятини ошириш, билим савиясини юксалтириш, ҳамда 30 июнь - Ёшлар куни муносабати билан ички ишлар органлари ходимлари ўртасида “Ёш билимдон ходим” кўрик-танлови бўлиб ўтди. Унда вилоят ички ишлар бошқармаси таркибий бўлимлари ва соҳавий хизматлари ҳамда Қарши шаҳар ИИОФМБ ва шаҳар-туманларида хизмат қилаётган ёш ходимлар иштирок этишди.
Кўрик-танловда зукколиги ва билимдонлиги боис Муборак туман ИИБ ЖХХ ҲПБ Хотин-қизлар масалалари бўйича катта инспектори, капитан Юлдуз Махтумова фахрли
1- ўринни қўлга киритди. Навбатдаги совринли ўринларни Яккабоғ тумани ИИБ Тергов бўлинмаси суриштирувчиси, лейтенант Нодирбек Эшонқулов ва Транспортда ХТБ Патруль-пост хизмати бўлинмаси сафдор ходими, сафдор Шоҳжахон Мардонов банд этишди.
Танлов ғолибларига Ички ишлар вазири ўринбосари, генерал-майор Азизбек Икрамов диплом ва қимматбаҳо совғаларни топширди.