Тенг курашлар остида
“Беш ташаббус олимпиадаси” доирасида Қашқадарё вилояти ички ишлар органларида хизмат қилиб келаётган ёш ходимлар ўртасида спортни кенг тарғиб этиш, ёш ходимларнинг спортга бўлган қизиқишларини ошириш мақсадида спортнинг “Енгил атлетика” тури бўйича мусобақа ўтказилди.
Кескин ва муросасиз баҳсларга бой тарзда кечган ушбу мусобақада ҳар бир иштирокчи ғолиб бўлиш учун бор маҳорат ҳамда тажрибаларини ишга солишди.
Мусобақа якунига кўра фахри 1-ўринни вилоят ИИБ ЖХХ ЖТСБ ППХБ сафдор ходими, сафдор Ҳамроқул Раҳмонқулов, 2-ўринни Миришкор тумани ИИБ ЖХХ ҲПБ профилактика инспектори, лейтенант Асқарали Чориев қайд этган бўлса, 3-ўринни Яккабоғ тумани ИИБ ҲПБ профилактика инспектори Шаҳзод Холмуродов банд этишди.
Ғолиблар бошқарма раҳбариятининг диплом ва қимматбаҳо совғалари билан тақдирланди.
