Қашқадарёда "Spark" автомобилидан гиёҳвандлик моддалари топилди
2022 йил 16 феврал куни соат 11:00 ларда Чироқчи туман Умакай МФЙ худудида жойлашган “Умакай” мунтазам ЙПХ масканида хизмат ўтаётган ЙҲХБ ва ППХ ЖТСБ конология хизмати ходимлари билан ҳамкорликда Самарқанд вилояти Самарқанд тумани “Талибарзу поёни” МФЙда яшовчи Р.У бошқарувида бўлган “Спарк” русумли автомашинаси тегишли тартибда тўхтатилиб, Кинология хизмати кичик инспектори кинологи сафдор Хужаназаров Aброрга қарашли "Сибир" лақабли хизмат ити билан текширилганда Р.У боқшарувида бўлган автомашина орқа ўриндиғи устидан 5(беш) дона доира шаклдаги ўткир хидли қотишма ҳамда 1(бир) дона гугурт қутисига солинган ўткир хидли ўсимликлар аниқланиб, тегишли тартибда ҳолислар иштирокида расмийлаштириб олинган.
Мазкур ҳолат Вилоят ИИБ ЙҲХБ Махсус отряд ЙПХ инспектори сафдор Р.Боймуродов ҳамда ППХ ва ЖТСБ кинологлари сафдор А.Хўжаназаров ва сержант Х.Одиловлар ўзининг “Сибир” лақабли хизмат ити иштирокида аниқлашган.
Мазкур холат юзасидан Чироқчи туман ИИБ ҳузуридаги ТБ томонидан терговга қадар текшириш ҳаракатлари олиб борилмоқда.
