Мавлоновлар оиласи ғолиб
ИИВ “Динамо” ЖТСЖ Қашқадарё вилояти кенгашининг режасига
биноан ҳуқуқни муҳофаза қилувчи органлар ходим ва ҳарбий хизматчилари оилалари
ўртасида “Спортчи оила” танлови ўтказилди. Ҳуқуқни муҳофаза қилувчи органлар
ходимлари ва оилалари ўртасида спортга бўлган қизиқишини янада ошириш ва улар
ўртасида жисмоний тарбия ва соғлом турмуш тарзини тарғиб қилиш мақсадида ташкил
этилган мусобақа қизғин руҳда ўтди.
Қашқадарё вилояти ИИБ, ИИВ
“Динамо” ЖТСЖ Қашқадарё вилояти кенгаши
ходимлари, вилоят Фавқулодда вазиятлар бошқармаси, 55159, 7533-ҳарбий қисми ҳарбий хизматчилари
ва уларнинг оила аъзолари иштирок этган тадбирда иштирокчилар тўрт тур бўйича
беллашдилар.
Мусобақа натижаларига кўра,
ИИВ “Динамо” ЖТСЖ Қашқадарё вилояти кенгаши техник масъул ижрохиси, ИИ- даражали сержант Ҳабибулло Мавланов
оиласи ғолибликни қўлга киритди.
Навбатдаги совринли
ўринларни вилоят Фавқулодда вазиятлар бошқармаси ҳарбий хизматчиси, кичик сержант Рахим Рўзиев ва 55159-ҳарбий
қисм ҳарбий хизматчиси, маёр Фахриддин
Камоловларнинг оиласига насиб этди.
Ғолиблар
Кенгашнинг дипломи, медали ва қимматбаҳо совғалари билан тақдирланди.
