Маҳаллларда хавфсиз муҳитни яратиш ва жиноятлар ва ҳуқуқбузарликларнинг барвақт олдини олиш тизими самарадорлигини янада ошириш борасида Президент қарорини ижросини таъминлаш бўйича амалга оширилаётган ишларни ўрганиш учун вилоят ИИБ бошлиғининг ўринбосари, подполковник Талъат Маматкулов Ғузор туманида бўлди.
Дастлаб Ғузор туман ИИБда вилоят ИИБ бошлиғининг ўринбосари, подполковник Талъат Маматкулов секторлар раҳбарлари, ички ишлар органлари соҳавий хизматлари масъуллари ва шахсий таркиби, ҳуқуқни муҳофаза қилувчи органлар ходимлари ва алоқадор ташкилотлар мутасаддиларига кенгайтирилган хизмат олди йўриқнома ўтди. Йўриқномада маҳаллаларда хавфсиз муҳитни яратиш, ҳуқуқбузарликлар ва жиноятларни эрта аниқлаб олдини олиш, фуқаролар хавфсизлигини таъминлаш учун жамоат жойлари, аҳоли гавжум тўпланадиган чойхоналар, компьютерхоналар, кўча куйда бемақсад юрган шахслар билан профилактик чора-тадбирларни амалга ошириш топшириғи берилди. Давлат раҳбари қарорининг 5-иловасига асосан маҳаллаларнинг кириш-чиқиш жойлари, кўпқаватли уйлдар йўлаклари, асосий автомобил қатновчи кўчаларига видеокузатув камераларини ўрнатиш ишлари амалга оширилди. Туманнинг “қизил” тоифадаги “Наврўз” ва “Обод” маҳаллаларида жиноятларни олдини олиш мақсадида автомобиллар қатнов йўлида видеокамера ўрнатилди. Бундан ташқари, “Дўстлик” маҳалласи ҳудудида жойлашган тўйхонада ташвиш кнопкаси ўрнатилиб, ишчи ҳолатга келтирилди. Шу билан бирга тунги ёритиш чироқлари ўрнатилди. Жараёнда туман ИИБ ЖХХ ЙҲХБ инспекторлари томонидан ҳайдовчиларнинг йўл ҳаракати қоидаларига риоя этиши, автомашинани хавфсизлик талабларига риоя этган ҳолда бошқариши борасида профилактик тадбирлар амалга оширилиб, шубҳали транспорт воситалари тўлиқ текширувдан ўтказилди.
Бу борадаги ишлар давом эттирилмоқда.
