Кинологлар маҳоратини ошириш йўлида
Республика ички ишлар органларидаги кинолог ходимларнинг билим савияси ва касб маҳоратини ҳамда хизмат итларини махсус йўналишлар бўйича тайёрланганлик даражасини ошириш ҳамда мамлакат ҳудудида ҳуқуқбузарликларни олдини олиш, жиноятчиликка қарши курашиш ва содир этилган жиноятларни иссиқ изидан фош этишда хизмат итлари имкониятларидан самарали фойдаланган бир гуруҳ вилоят ИИБ ППХ ва ЖТСБ Кинология хизмати ходимлари ва уларнинг ота-оналари иштирокида йиғилиш бўлиб ўтди.
Жорий йилнинг биринчи чораги давомида касбий, жисмоний ва жанговар тайёргарлигини мустаҳкамлаб, хизмат итларидан жиноятларни фош этишда самарали фойдаланган, вилоят ҳудудида жиноятларни олдини олиш, рўй берганларини излар совумай фош этиш, ҳуқуқбузарликларга қарши курашиш ва фуқаролар хавфсизлигини таъминлашга муносиб ҳисса қўшган кинолог ходимларнинг хизмати эътироф этилди. Ва бунинг учун кинолог ходимларнинг ота-оналарига раҳбарият номидан миннатдорчилик билдирилди.
Йиғилишда хизматда юқори натижаларга эришган 6 нафар кинолог ходимлар бошқарманинг ташаккурномалари билан тақдирланди.
