11 Август 2021 йил
501
Каннабис шайдоси ушланди
Чироқчи туман ИИО ФМБ ходимлари томонидан 2021 йил 09 август куни соат 10:00ларда ўтказилган “Қорадори-2021” махсус тезкор профилактик тадбири давомида яна бир оғу шайдосининг кирдикорлари фош бўлди. Туманнинг “Тўқмор” МФЙда яшовчи М.Н.нинг ҳовлиси кўздан кечирилганда молхонаси ёнида 2 туп каннабис ўсимлиги экиб парваришлаб келаётгани маълум бўлди. Каннабис ўсимликларининг қуритилмаган нам ҳолдаги оғирлиги 13600,0 грамм тош босди.
Мазкур ҳолат юзасидан Чироқчи тумани ИИО ФМБ ТБ томонидан жиноят иши қўзғатилди.
