Қашқадарё вилояти ИИБ Кадирлар бошқармаси ташаббуси билан ички ишлар органлари ходимларидан тузилган жамоалар ўртасида спортнинг мини футбол мусобақаси бўлиб ўтди
Футбол ўртоқлик учрашуви
Жамиятда соғлом турмуш тарзини кенг татбиқ этиш, аҳолини жисмоний тарбия ва оммавий спортга жалб қилиш, ёш авлодни турли иллатлардан асраш, маҳаллалардан тортиб, таълим муассасалари, корхона ва ташкилотларда бадантарбия машғулотларини кучайтириш ва шакллантириш вазифаси йўлга қўйилиши белгиланган.
Шу муносабат билан ИИВ ишчи гуруҳи ва Қашқадарё вилояти ички ишлар бошқармасининг ташаббуси билан ички ишлар органлари ходимларидан тузилган жамоалар ўртасида спортнинг мини футбол мусобақаси бўлиб ўтди.
Ўзаро дўстлик ва ишончни мустаҳкамлашга қаратилган мусобақада иштирокчилар бор маҳоратларини ишга солиб мусобақани кўтаринки руҳда ўтишига ўз ҳиссаларини қўшишди.
Мақсад - ходимлар ва уларнинг оила аъзолари ўртасида оммавий-спорт ва соғломлаштириш ишларини янада такомиллаштириш, ходимлар соғлигини мустаҳкамлаш ҳамда уларни жисмоний тарбия ва спорт билан мунтазам шуғулланишга жалб қилиш, қолаверса, ишчи ходимлар ўртасида соғлом турмуш тарзини янада кўпроқ шакллантиришдан иборатдир.
Мусобақа иштирокчилари вилоят ИИБнинг эсдалик совғалари билан тақдирланди.
