31 Август 2021 йил
406
Қашқадарё вилоятида Ички ишлар органлари ходимларига хизмат автомашиналари топширилди
Мустақиллигимизнинг 30 йиллиги тантаналари ички ишлар органлари ходимлари учун қўшалоқ байрам бўлди. Қарши шаҳридаги “Насаф” ўйингоҳида ички ишлар органларининг профилактика, бошқарма ППХ ва ЖТСБ ППХ батальони ва Махсус қабулхонаси, ТВБСО соҳасида самарали хизмат қилиб, бириктирилган ҳудудда ҳуқуқбузарликлар ва жиноятларни олдини олган, жамоат ва фуқаролар хавфсизлигини муносиб таъминлаб келаётган бир гуруҳ ходимларга хизматда фойдаланиши учун “Равон-3”, “Нива”, "Дамас" автомобиллари, “Исузи” автобуси ва махсус автомашиналар топширилди.
Автомашиналарни соҳа ходимларига вилоят ИИБ бошлиғи ўринбосарлари, полковник А.Алланазаров, подполковник У.Яхшиев ва бошқарма ППХ ва ЖТСБ бошлиғи подполковник А.Юсупов тантанали равишда топширди.
