Ёшларнинг интеллектуал салоҳияти оширилди
Қашқадарё вилояти вилоят ИИБ бошлиғи ўринбосари,
подполковник Талат Маматқулов бошчилигида Ғузор тумани 3-секторидаги “Совлиғор”
маҳалласида оталиққа олинган ёшлар билан маънавий-маърифий ва спорт тадбирлари
ўтказилди.
Маҳаллада оталиққа олинган юзга яқин ёшлар ва мактаб
ўқувчилари иштирок этган тадбирда дастлаб, ёшларни ватанпарварлик руҳида
тарбиялаш ҳамда уларнинг маънавий дунёқарашини юксалтириш мақсадида “Интеллектуал етук ёшлар келажагимиз” шиори
остида “Заковат” интеллектуал ўйини ташкил этилди.
Интеллектуал ўйинда билимдон ёшлардан ташкил топган жамоалар
ўзаро бор билим ва салоҳиятлари ишга солиб ғолиблик учун ўзаро баҳслашдилар.
Сўнгра, ёшлар спортнинг шахмат ва шашка тури бўйича
мусобақаларда иштирок этишди.
Ақл чархи баҳсларида ёшлар орасида иқтидорлилари
сараланди.
Қизғин ва муросасиз руҳда, қўш мусобақа натижаларига кўра,
ғолибликни қўлга киритган жамоалар ва ёшлар диплом ҳамда китоблар тўплами билан
тақдирландилар.
Оталиққа олинган ёшлар ўртасида ташкил этилган тадбирлар
уларга кўтаринки руҳ ва ишонч берди.
