31 Май 2024 йил
632
Ёшлар "Заковат"да беллашди
Ғузор тумани 3-секторида истиқомат қилувчи ёшлар ўртасида “Хавфсиз ҳаёт учун бирлашайлик!” шиори остида “Заковат” интеллектуал ўйини ўтказилди.
Тумандаги "Тинчлик" маҳалласида ташкил этилган интеллектуал ўйинда баркамол авлодни тарбиялаш, ёшларни олиб борилаётган ислоҳотларнинг фаол иштирокчисига айлантириш, уларнинг ҳуқуқий онги ва ҳуқуқий маданиятини янада ошириш, ёшлар ўртасида соғлом рақобатни шакллантириш, ёшлар эришаётган натижаларни тарғиб қилиш ва қўллаб-қувватлашга эътибор қаратилаётгани қайд этилди. "Заковат" интеллектуал ўйинида ғолиб бўлган билимдон ёшлар туман ИИБ бошлиғи, 3-сектор раҳбарининг дипломи ва совғалари билан тақдирланди.
