Чироқчи тумани ИИБ бошлиғи ёшлар билан учрашди
Чироқчи тумани ИИБ бошлиғи, 3-сектор раҳбари подполковник Шуҳрат Искандаров “Қаҳрамон” маҳалласида ёшлар билан учрашди. Учрашувда маҳалла ёшлари, нуронийлар, кўчабошилар, маҳалла "Оқила аёллар ҳаракати" “Кексалар маслаҳати” гуруҳи аъзолари, "Оилавий қадриятларни мустаҳкамлаш комиссияси" аъзолари, бир гуруҳ фуқаролар иштирок этди. Шундан сўнг, сектор раҳбари томонидан аҳоли муаммолари ўрганиш ва ҳал этиш, оилаларнинг даромадини ошириш, ҳар бир аъзосининг бандлигини таъминлаш ва камбағалликни қисқартиш бўйича барча имкониятларни ишга солиш берилаётган имтиёзларни ҳар бир хонадонга етиб боришини таъминлаш чораларини кўриш мақсадида сайёр қабул ҳам ўтказилди.
Ҳар бир мурожаат диққат билан эшитилиб,
аксарият мурожаатлар жойида ижобий ҳал этилди. Ечими вақт талаб қиладиган
муаммоларни ҳал этиш учун тегишли масъулларга топшириқлар берилиб, ижроси
назоратга олинди.
Кўлами кенг учрашувда сектор раҳбари маҳаллада
ўтказилиб келинаётган 5 ташаббус олимпиадаларида ва танловларда фаол иштирок
этиб келаётган бир гуруҳ ёшларга китоб совға қилди.
