E’ZOZDAGI FAXRIYLAR
Uzoq yillar ichki ishlar organlarida samarali faoliyat ko‘rsatib, bugungi kunda ham shogirdlar davrasidan o‘zini ayro sezmaydigan, maslahat va o‘gitlari bilan ularga ko‘makdosh bo‘layotgan faxriylar Qashqadaryo viloyati ichki ishlar organlarida ko‘pchilik. Jumladan, 9 may – Xotira va Qadrlash bayrami munosabati bilan viloyat ichki ishlar boshqarmasi Tergov boshqarmasi rahbariyati tizim faxriylari xonadonlariga tashrif buyurib, bayram bilan qutlashdi.
Iste’fodagi polkovniklar Ochil Xo‘janov, Jamila Sultonova, iste’fodagi podpolkovniklar Xakim Jabborov, O‘ktam Rasulov, Nizomxon G‘ulomov va iste’fodagi mayor Mahmud Uzoqovlar ana shunday ehtiromdan bahramand bo‘lishdi.
Xalqimizda “Ustoz otangdek ulug‘", degan naql bor. Kimki bu hayotda biror yutuqqa erishsa, kasbidan e’zoz topsa, albatta, bu ustozlar maslahati va serqirra tajribasi mahsuli.
Faxriylarning yosh avlodga bilim berishdek murakkab, ammo sharafli mehnatini qadrlash va ularni e’zozlash shogirdlarning muqaddas burchi.
Xotira va Qadrlash kuni amalga oshirilgan bu kabi tadbirlar davom ettirilmoqda.
