8 Iyun 2024 yil 577

“Jaholatga qarshi ma’rifat bilan kurashaylik”

Qashqadaryo viloyati IIB  tezkor qidiruv xizmati terrorizmga qarshi kurashish boshqarmasi  xodimlari Qarshi shahridagi Prezident maktabida “Jaholatga qarshi ma’rifat bilan kurashaylik” mavzusida davra suhbati o‘tkazishdi.

Tadbirda so‘z olganlar yurtimizda  voyaga yetmagan yoshlarni har tomonlama barkamol va yetuk qilib ulg‘ayishi uchun barcha sharoitlar yaratilganini ta’kidlashdi. Ammo ayrim ota-onalar va ular o‘rnini bosuvchi shaxslar yoki voyaga yetmaganlarning o‘zi o‘qish va boshqa maqsadlarda Misr, Turkiya davlatlariga borib noqonuniy, yashirin hujralarda tahsil olish holatlari uchrayotganligi aytib o‘tildi.

Ming bora eshitgandan bir marta ko‘rgan afzal deganlaridek, maktab o‘quvchilariga mutaxassislar tomonidan jaholatga qarshi ma’rifat bilan kurashish ko‘nikmalarini oshirish maqsadida  noislomiy tashkilotlar va ekstremistik guruhlarning islom dini niqobi ostidagi asl maqsadi, ular ta’siriga tushib qolmaslik, har qanday yot g‘oyalarga qarshi kurashish borasida kerakli ko‘rgazmali slaydlar orqali tushunchalar berishdi.

Yakunda ishtirokchilarni  savollariga javoblar berildi.

Text to speech