Kuni kecha Xalqaro innovatsion universitetida “Jaholatga qarshi ma’rifat” mavzusida tadbir o‘tkazildi. Unda Qashqadaryo viloyati Qarshi shahar hokim o'rinbosari M.B.Ochilova, Viloyat hokimligi din ishlari bo'yicha mutaxassis M.Ravshanova, Viloyat IIB voyaga yetmaganlarga ijtimoiy-huquqiy yordam ko'rsatish markazi psixologik ta'minlash guruhi psixologi, podpolkovnik D.Mirzayeva, Qarshi shahar IIB xotin-qizlar masalalari bo'yicha katta inspektori, leytenant N.Maqsadova, Yoshlar masalalari va ma’naviy-ma’rifiy ishlar bo’yicha birinchi prorektor F.Rajabova, Xotin-qizlar masalari bo’yicha rektor maslahatchisi O.Qahhorova, professor-o‘qituvchilar, tyutorlar, talaba-yoshlar qatnashdi. Tadbirda so‘zga chiqqanlar bugun mamlakatimizda qonun ustuvorligini ta’minlash, aholi, ayniqsa, yoshlar o‘rtasida jinoyatchilik va huquqbuzarliklarning oldini olish borasida amalga oshirilayotgan chora-tadbirlar haqida fikr-mulohazalarini bayon qilishdi.

Shuningdek, dunyoda yuz berayotgan murakkab geosiyosiy va g‘oyaviy-mafkuraviy jarayonlarning mazmun-mohiyati har tomonlama chuqur tushuntirildi. Radikalizm, terrorizm va diniy ekstremizm, aqidaparastlik, separatizm, odam savdosi, "ommaviy madaniyat" va shu kabi turli tahdidlar to‘g‘risida ma’lumotlar berilib, yoshlarni ayni vaqtda puxta bilim olishga, turli kasb-hunarlarni boshini tutishga, qolaversa bo‘sh vaqtlarini mazmunli o‘tkazishda badiiy kitoblar mutolaa qilishga chorladilar.