“Jadidlar: milliy o‘zlik istiqlol va davlatchilik g‘oyalari”
Yangi 2024-yil birinchi shanbasida Qashqadaryo
viloyat IIBda har hafta o‘tkazib boriladigan “Ma’naviyat va ma’rifat darsi”
bo‘lib o‘tdi. Viloyat IIB rahbariyati va shaxsiy tarkib ishtirokidagi ushbu
dars “Jadidlar: milliy o‘zlik istiqlol va davlatchilik g‘oyalari” mavzusida
bo‘lib, unda Qarshi davlat universiteti, o‘zbek mumtoz adabiyoti kafedrasi
dotsenti, filologiya fanlari doktori Shahobiddin Nuriddinov ma’ruza qildi.
Shuningdek darsda hafta mobaynida dunyodagi
ijtimoiy-siyosiy vaziyat yuzasidan TQX xodimi axborot berdi.
Xodimlar ogohlikka chaqirilib, jinoyat ishlari
bo‘yicha Muborak tuman sudining xususiy ajrimi shaxsiy tarkibga yetkazildi.
Viloyat IIB MMI va KBTX bosh inspektori kapitan Hamza Niyozov xodimlarni
Vatanga sidqidildan, fidokorona xizmat qilishlari yo‘lida o‘z nutqini so‘zladi.
“Ma’naviyat va ma’rifat darsi” yakunida
kitobxon xodim va xodimalar uchun
kitoblar yarmarkasi bo‘lib o‘tdi.
