“Zakovat” g‘oliblari taqdirlandi
IIV Qashqadaryo akademik
litseyida Sohibqiron Amir Temur tavalludining 688 yilligiga bag‘ishlab 1-kurs
o‘quvchilari o‘rtasida “Zakovat” intellektual o‘yini o‘tkazildi. Ushbu tadbirni
IIV Qashqadaryo akademik litsey direktori podpolkovnik K.Nazarov ochib, bugun
mamlakatimizda yoshlarni yuksak vatanparvarlik ruhida tarbiyalash va ularni o‘z
vataniga sodiq, har tomonlama bilimli, aql-zakovatli hamda teran fikrli qilib
tarbiyalash bizning burchimiz ekaligini ta’kidlab o‘tdi.
Qizg‘in va murosasiz o‘tgan musobaqada 23-01 guruh
o‘quvchilari raqiblariga hech qanday imkoniyat qoldirmay 1-o‘rinni egalladi. To‘plangan ochkolari bo‘yicha teng kelib qolgan
23-02 va 23-03 guruhlari o‘rtasida qo‘shimcha savollar o‘ynaldi. Qo‘shimcha
berilgan savollarga tezkorlik bilan to‘g‘ri va aniq javoblar yo‘llagan 23-03
guruhi o‘quvchilari 2-o‘rinni 23-02 guruhi o‘quvchilari esa 3-o‘rinni
egalladilar.
